- Unudacağam! Siz mənim həyatımın bir parçası, mənim özümün bir parçasısınız. Mən ilk dəfə bura gələndə və zavallı ürəyimi elə ağır yaralayandan indiyə kimi oxuduğum hər bir sətirdə varsınız. Siz mənim indiyə kimi gördüyüm hər yerdə və hər şeydəsiniz, - çayda, gəmilərin yelkənində, bataqlıqda, buludlarda, işıqda və qaranlıqda, küləkdə, dənizdə, meşədə, küçədə. Siz mənim xəyallarımın ən gözəl təcəssümüsünüz.