İngiliz yazarı James Hadley Chase, yazdığı "Ehtiyatlı Qatil" romanı axıcı olduğu qədər də ,düşündürücüdür. Bu əsər əslində hal-hazırdaki dövrümüzlə heç fərqlənmir. Gözü puldan doymayanlar , dostunu satanlar , vicdan yoxsunları olanlar o qədər çoxdur ki,əsəri oxuyanda heç təəccüblənmədim.
Əsər, törətmədiyi cinayətə görə mühakimədən qaçan Devid Çizholmdan bəhs edir.Pasportu və pulu olmadığı üçün,həyatını bələdçiliklə məşğul olmaqla sürdürür . O təsadüfən Laura Fançiniyə vurulur ,amma sonradan öyrənir ki , bu xanım tamamilə iflic olan zəngin Bruno Fançinin həyat yoldaşıdır.
Laura gördüyü sevginin qarşılıqsız olmadığını bildirərək,Devidi bir sözüylə öz evində işə götürür. Sonradan Devidə məlum olur ki ,əslində Lauranın planları başqadır, o öz iflic yoldaşı Brunonu, pul müqabilində Devidə öldürtmək istəyir. Devid hər nə qədər vicdanlı idisə ,Laura bir o qədər vicdansız idi. Laura öz planlarını gerçəkləşdirə bilməsə də ,əsərin sonunu belə bitməsini gözləmirdim.
Xoş mütaliələr.
