Nişan
Ürəyimə ağrıdır,
çiyinlərimdəki yük.
Ömür yolum kimidir,
saçlarındakı hörük.
Ömrünə biri gələr,
ürəyinə sığışmaz.
Sən demə, ola bilər,
sevgi ürəkdən böyük.
İnandır məni bu gün,
Sabahıma inandır.
Bəxtəvər olmaq üçün,
sən ümid ver, mən üzük.
EndorfinRəşad Nağı Mustafa · Parlaq İmzalar Nəşriyyatı · 20178 okunma
Kiməm axı?
İndi səni göz yaşımda
yox etməyə qadirəm mən.
Hisslərimdən söz düzəldən şairəm mən.
Kimsən axı?
Ürəyimdə yaşayan da,
ölən də sən.
Məni şair edəndə sən.
Gedəndə sən.
Dürüst ol, düzünu de,
Axırıncı dəfə nə vaxt ölmüsən?
Ruhunu deyirəm, ruhunu,
Sevilmədiyin üçün intihar?
Gülməlidir gülməli.
Guya sevilir bütün sağ qalanlar?
Sevilmək yox, sevmək lazımdır, sevmək.