Memê Alan
Roger Lescotİletiler
Destana Memê Alan
...
Memî got: "Zînê tu min nas nakî! Ez Mem im, wergî dîn im
Mîna teyrekî serdestan î çeng bi şerab î xebxeb zêr û per zêrîn im!
Ez ne Tirk û ne Tacîk im, ez Kurd canpola î serhişk î dilbirîn im!
Ez ne hatim ser Kaniya Qestelê nav koma keçikan, xelkê bi xwe bikenînim
...
Zînê got: "Memo, dilê min î liyan e
Ne dihate xatirê min ko ji devê te bibihîzim van şoran û gotinane
Ma tu dixwazî min bitirsînî bi şûrane?
Ko tu niha destê xwe bavêjî qeterê guliyane
Canê min bidî ber devê lahûrê girane
Perçe perçe bikî, bavêjî ber lingê Bozê Rewane
Dîsa tu nikarî hêzara min rakî li serûçavane
Çima ko va yeka tune di qanûna welatê me Cizîra Botane
...
Jêrenot
Hêzar: xêlî
Memê Alan
Memê Alan
...
Dawî, Mem çû mala Emer Begî, got: "Xalo, tu were şalê ji vî heywanî ra bînî, çare û dermane."
Emer Beg hate wî cihî, vekir derê her heft odane
Rabû, kete hundir, destê xwe avête bijiyane
Di dest Emer Begî da bû mîna mihiyane
Emer begî gazî Memî kir, got: "Xwarzî, were, siwar be bi izna Xudane!"
Mem çû, siwar bû
Destan
Memê Alan
Rojekê, di nava xortan da bû şorê cenawerê behrê û ecêban e
Hinekan dianî behsa hûtane
Hinekan vedikir şora marane
Hinekan digot: "Di behrê da heye hemberê hemî heywanê li rû erdane"
Hinekan digot: "Heywanek heye di binê behrê de, di şiklê hespane"
Kalekî digot: "Eger ku yê lê be bextê mêrane
Rojekê têkeve dest ev cenawerê wekî hespan e
Merî lê siwar be, pê qonaxê rojan dibire bi saetane
Ne vedixwe avê û ne dixwe êmegê cotane
Tim lê siwar bî û li ser piştê peya nebî bi roj û şevane
Dare, hikmê wî heye heya şeş mehane"
Hinekan digot: "Heye hikmê wî heya salekê û didiyane!"
Memê Alan
