Qanatê Kurdo, Nûredîn Zaza, Rewşen Bedirxan, Haviz Qazî, Sebrî Botanî, Wezîrê Eşo, Arjen Arî, Yaşar Kaya, Bro Omerî, Mehmed Uzun, Remzi Raşa, Cemşid Bender û Kaya Müştakhan
Bo Firat Cewerî
Nameyên ku ji salên 80yî ve ji aliyê Qanatê Kurdo, Nûredîn Zaza, Rewşen Bedirxan, Haviz Qazî, Sebrî Botanî, Wezîrê Eşo, Arjen Arî, Yaşar Kaya, Bro Omerî, Mehmed Uzun, Remzi Raşa, Cemşid Bender û Kaya Müştakhan ve bo Firat Cewerî hatibûn şandin, wekî kitêb çap bûn.
Name di dîroka edebiyatê de cihekî taybetî digire. Hin kitêbên nameyan mîna berhemên edebî navdar bûne û gihiştine roja me. Bi xêra nameyan em di derbarê dîrok, civat, siyaset, kultur û edebiyatê de bûne xwediyên agahdariyên girîng. Hin name yên evînî, hin yên edebî, hin jî yên siyasî ne; lê hemû dîrok in, perçeyek ji dîroka nivîskî ne. Hin name mirov dilşa, hin mirov xemgîn dikin. Hin ji wan jî mirov radikişîne kûraniya fikir û ramanan.
Nameyên vê kitêbê perçeyek ji dîroka edebiyata me ye. Hemû nameyên nivîskar û şexsiyetên me ne ku bi demê re ji Firat Cewerî re şandine. Mixabin, xwediyên nameyan êdî najîn, lê nameyên wan nemir in, wê her bijîn
