Böyüklərimiz yazıblar, iz və miraslar qoyublar zaman-zaman bizlər üçün. Həqiqətlərin, doğruların ardınca düşüb, insanlığı və kainatı dərk etmək, başqalarına çatdırmaq üçün ömür sürüblər.
Zeynalabdin Şirvani məmləkətin səyyahı, alimi, şairi, filosofu oldu. Özü qərib oldu vətəndən, ancaq vətəni sinəsində gəzdirdi, bütün ömrü boyu gəzdiyi-gördüyü ölkələrdə, ellərdə. Yazdı, yaratdı, miras qoydu. Əsərlərini zaman gəldi diplomatlar, təhsil mərkəzləri əl-əl axtardı, soruşdu, öyrəndi. Dövrünün ən məşəqqətli izini açdı, dərviş oldu, çöllərə düşdü lakin elmdən, öyrənməkdən əl götürmədi.
Şərqin ruhunu, mənəvi və ədəbi incəliklərini əhatə edir bu qəşəng roman. Əzizə Cəfərzadə qələmi o dövrə bir pəncərə açıb, oralara boylanma şansı qoyub bizlər üçün..
