Xatirələr Üçün Təşəkkürlər
Cecelia AhernSözler ve Alıntılar
Həyatdan çox şey gözləmədiyim üçün heç vaxt məyus olmuram. Təəccüblü şeylər görəndə nə həddən artıq həyəcanlanıram, nə də laqeyd qalıram. Sadəcə təəccüblənirəm. Pis adam deyiləm. Qeyri-adi də deyiləm. Ancaq arada xüsusi ola bilirəm. Güzgüyə baxanda orta statistik adam görürəm. O, bir az yorulub, bir az kədərlidir. Ancaq tamamilə düşkün deyil...
Balaca yataq otağıma cəmi bir çarpayı və paltar şkafı sığışsa da, bura mənim üçün böyük bir dünya idi. Təklikdə düşünə və xəyal qura bildiyim, ağlayıb-güldüyüm, bütün qadağaları pozmaq üçün böyüməyi gözlədiyim şəxsi məkanım. On altı yaşımda da, otuz üç yaşımda da dünyada yalnız mənim sahib olduğum yeganə məkan. Arzularımı gerçəkləşdirməmiş, hətta hələ də eyni şeyləri arzulasam da, bura qayıdacağım kimin ağlına gələrdi?
Kaş, evi gözəlləşdirmək əvəzinə münasibətlərimizi yaxşılaşdırmağa bu qədər vaxt və diqqət sərf edəydik.
Cavablar qayalıqların altında və ya ağacların arasında gizlənmir. Cavablar düz yanımızda, gözümüzün qarşısında olur. Biz görmək istəməsək, onları heç vaxt tapa bilməyəcəyik.
Görəsən, dörd ili nəyə sərf edəcəklərini eşitdikdən sonra peşman olmadılar ki?
Bu nəzəriyyəyə görə, bir gözün gördükləri o birindən çox cüzi müddətdə tez yaddaşa keçə bilər və millisaniyələr sonra o biri göz həmin şeyi görəndə tanışlıq hissi yaranar. Demə ki, gözlərarası optik gecikmə baş verir. Halbuki, gözlər hər şeyi eyni anda görməlidir. Bu şüuru aldadır və əslində olmayan yerdən tanışlıq hissi yaradır.
Çalışmaq... Bəlkə də münasibətlərimizə məna qatan yeganə şey idi.