Kitabın müəllifi Linda Li Ratto kitabın tərcümə edilməsinə icazə verməklə Azərbaycan uşaqlarına balaca qızcığaz Sara və onun qoçaqlığı barədə əhvalatla tanış olmağa imkan yaratmışdır.Bu kitabda balaca qızcığazın öz şikəstliyinin öhdəsindən gələrək, hamı kimi olmaq,hamı kimi yaşamaq üçün nələr kəşf etdiyinin şahidi oluruq.Heç kimin köməyi olmadan müstəqil, sərbəst yaşamaq arzusunun ona aşıladığı yenilməz ruhun ürəkləri necə riqqətə gətirdiyinə siz də heyran qalacaqsız.Saranın hekayəti bizim öz arzularımız qədər realdır və hər bir insanda böyük ruh yüksəkliyi oyadır.