Sən gedib məndən alandan məni qaldım sənsiz, Gəlmədin,gözləri yollarda qocaldım sənsiz.
Bir qərib şam işığı,bir qərib hicran otağı, Sənlə birlikdə keçən günlərə daldım sənsiz.
Eşq bazarına getdim,belə sevda etdim, Fərəhi,nəşəni satdım,kədər aldım sənsiz.
Getmisən,badeyi-hìcran içirəm,ey daşürək, Vəsl peymanəsini daşlara saldım sənsiz.
Hìcr döndərdi könül mülkünü qəm vadisinə, Neçə qəmlə dolu karvan yola saldım sənsiz.
Taleyim qarə,günüm qarədi,bəxtim qarə, Məni hər gün qara bastıqca qaraldım sənsiz.
Ayrılıq bağçalarından qara güllər dərdim, Sarı güllər kimi həsrətdə saraldım sənsiz