Bəzi vaxtlar tək qalmaq istəyirsən. İstəyirsən, yanında heç kim olmasın. Ancaq belə anlarda da beyninə çağırılmamış qonaq kimi daxil olan fikirlər buna imkan vermir. Mən isə həmişəki kimi bu kədərli və mənasız fikirlərdə məna tapmağa çalışıram. Tək onlarda yox, özümlə baş verənlərdə, ətrafımda, həyatımda axtarıram bu mənanı… Nəyə görə həyatın mənasını axtarırsan? Bəlkə, həyatın mənası elə bu cür monoton yaşamaqdadır: səhər tezdən durub işə gedəsən, axşam evə gəlib yorğun halda yıxılıb yatasan. Gəlib-gəlmədiyin kimə maraqlıdır, guya?! Səhər də hər şeyi təzədən başlayasan…