Həyatın gözəlliyi ondadır ki, heç vaxt bilmirsən bir dəqiqə sonra başına nə gələcək. Sanki hər yeni gün bir hədiyyədir. Bağlamanı aç və sənə nə hədiyyə etdiklərini özün gör.
Bədbin olmaq həyatı yaxşılaşdırmır. Yalnız nikbin olmaqla nəyinsə öhdəsindən gəlmək olar... Əgər mən heç vaxt nəyinsə pis olacağını düşünmürəmsə, onda onun pis olma şansı yoxdur. Qəribə də olsa, bu fikrin məntiqli olduğunu düşünürəm.
İmtahanlardan yetərincə yorğun düşdüyüm üçün bir az dincəlməyi düşündüm.Amma kitabda oxumaq istədim)))və bu kitabı oxumağa qərar verdim.Kitab 13 yaşlı həyatın ona verdiyi çətinliklərinə baxmayaraq optimist olan Bart'ın əhvalatından gedir.Kitab olduqca sadə dildə yazılmış və axıcıdır. Yorulmadan çox rahat şəkildə oxudum.Uşaq ədəbiyyatına marağı olanlar üçün uyğun kitab ola bilər.)
Hər zaman pozitiv olan baş qəhrəmanımız Bartın başına gələnləri oxuyuruq bu kitabda. Opera müğənnisi olmaq istəyən amma hamamdan başqa bir yerdə oxumağa cəsarət etməyən Bartın hekayəsi.
Bartın ailəsində, məktəbdə, küçədə, qısacası, həyatda hər yerdə başına gələn problemləri yumoristik şəkildə yanaşaraq həll etməsi çox gözəldir, bunu öz həyatımıza da tətbiq etməliyik deyə düşünürəm.
Gülmək, əylənmək, təsirlənmək, düşünmək istəyirsizsə oxuya bilcəyiniz bir kitabdır :)
Bu kitabın baş qəhrəmanı 13 yaşlı Bartdır. Mən bu obrazı çox sevdim və mənə çox səmimi gəldi. Bartın ailəsi ideal deyil, lakin o, özünü bütün problemlərdən pozitiv olmaqla xilas edir.(mən şəxsən bunu heç bacarmıram :D)
Bart anası ilə birlikdə yaşayır və oğlu özünü müdafiə edə bilsin deyə onu boksa qoyur. Baş qəhrəmanımız utancaq olduğuna görə gizli olan bacarığını üzə çıxara bilmir. Bart musiqi dinləməyi çox sevir.
Bu romanda ciddi mənada ağır mövzulara toxunulub, amma həmin mövzular yumoristik və zərif bir şəkildə işlənilib.
Kitabı oxuyarkən çox zövq aldım və bəyəndim. Yaxşı ki, Bart kimi pozitiv bir obrazı tanıdım. Xoş mütaliələr. ☆☆