Fransız psixoloq Didier Pelux "Xoşbəxt uşaq" kitabında uşağı xoşbəxt etməyin yolunun ona xəyal qırıqlığı yaşatmaq olduğunu deyir: "Bu o demək deyil ki, onu oynamağa qoymamalısınız, yaxud qucağınıza almamalısınız. Əlbəttə, onun zövqlərinə, ritminə, şəxsiyyətinə hörmət etməlisiniz. Sadəcə olaraq, uşaq kiçik yaşlarında dünyada tək olmadığını və hər şeyin öz vaxtı olduğunu öyrənməlidir".