Külbe-i ahzânı teşrife kelâm itdin bana
Gelmedin șahım efendim subhı șâm itdin bana
'Adet-i hûbân imiş âşıklara itmek ezâ
Anıñ içün sen dahi cevri müdâm itdin bana
Bașımı gavgâya saldı tıfl iken 'aşkın senin
Maderimden emdigim şîri harâm itdin bana
Hâb u râhat 'ayş u işret hâtırımdan oldı dûr
Bu safā vü rahatı hep telh u hâm itdin bana
Âhir ayırdın vatandan Sıdkî-i bî-çâreyi
Ey sitem-cû gurbeti şimdi makâm itdin bana
1 Ey gönül bî-hûde da'vâdan hele azâdesin
Gam degildür nâs içinde böyle kem üftâdesin
2 Hâke yek-sândur hemîşe âfitab-ı pür-șu'â'
Ne zarar pâ-mal isen elbet yine a'lâdasın
3 Aklı tam olan ider mi meyl-i câh u saltanat
Yine temkin bulmadın böyle 'abes da'vâdasın
4 Kâma vâsıl olmaga ey dil nedür bu ıztırab
Halli müskil hâsıl sen bir garib sevdâdasın
5 Kimse tahkîr eylemezdi remzini fehm eylese
Bilseler kim Sıdkîyâ sen de ne merdüm-zâdesin