Sonunu əvvəldən bildiyim halda axır səhifəsinə qədər acı bir ümidlə oxuduğum kitab oldu. Hadisələr, fikirlər, arzular o qədər tanış gəldi ki, yuxularıma belə yol tapa bildi. Obrazlar o qədər doğma idi ki, bitirdikdən sonra sevdiyim bir yerdən, çox sevdiyim insanlardan ayrılmışam kimi bir boşluq hiss etdim içimdə. Kitab haqqında bəzi mənfi rəylər oxumağıma baxayaraq çox sevdim və kiməsə oxumağa tövsiyə edə bilməyəcək qədər doğma hiss etdim özümə Gülşahla Şahinin sevgisini. Kaş dedim içimdən , bütün sevgilər belə güvənlə yoğrulsa, doya-doya yaşansa, ancaq heç vaxt sonu olmasa...Kaş sevənlər qovuşsa, bu dünyanı cənnətdəymiş kimi yaşaya biləcəkləri halda, cəhənnəm olmasa həyatlar insanlara.
