" Doğrudanmı, elə bilirsən,bu boyda gözəlliklər sənin o balaca lentinə sığışar? Çalış, bunları qəlbinə yığ, yaddaşına köçür! Bu daha lazımlıdır,nəinki gördüklərini başqalarına göstərmək".
Görəsən, lazım olan adamı sevməyi öyrənmək olarmı? Yəqin ki, olar. Amma məsələ burasındadır ki, əvvəlcə gərək lazım olmayan adamı unudasan. O adamı ki, yoldan keçəndə görüb ki, qapı açıqdır, icazəsiz-zadsız ürəyinə girir.