Son günlər keçirdiyi ağır düşüncələr onun beynini yormuşdu və
o bu saat, doğrudan da, qayğıya çox ehtiyac hiss edirdi. Daha doğrusu o,
anlamağa başlamışdı ki, bu dünyada məhəbbətsiz insan kimi yaşamaq və
mübarizə aparmaq mümkün deyil. Sevdiyin peşə ilə məşğul olmaq hələ
xoşbəxtlik demək deyilmiş. Gərək ağır günlərdə, kədərli anlarda
ürəyindəkiləri bölüşməyə bir yaxın adamın olsun.