Yek nazarda kıldın ey yüzü gül
Ayinemi aftabe-i mül
Geçti bana neş'e-i tegafül
Hem eyle hem eyleme tenezzül
Dil hanesi ca-yi işretindir
Bir şu'lesi var ki şem-i canın
Fanusuna sığmaz asmanın
Bu sine-i berk-aşiyanın
Sina dahi görmemiş nişanın
Efruhte-i inayetindir.
Şehbaz-i dil oldu evc-pervaz
Kim sayd-i hümaya eyleyüp naz
Zülfünde de olmaz aşiyan saz
Affeyle ki ey şeh-i felek taz
Perverde-i dest-i himmetindir.
Bir aleme olmuşum ki vasıl
Şebnemleri mihr ile mukabil
Yok pertev-i mihre anda hail
Nezdik ü baidi özge menzil
Kim firkatin ayn-i vuslatındır