Elza
@Elza_Verdiyeva
Bakı Dövlət Universiteti
235 okur puanı
Ocak 2020 tarihinde katıldı
Okuma Hedefleri
Okur Takip Önerileri
Hər cümləsini hiss edərək xəyalımda canlandıraraq oxudum kitabı. Mükəmməl bir əsər idi. Hiss edərək oxumayan biri üçün adi bir kitab ,hiss edərək oxuyan üçün isə dahiyanə bir əsərdir. Həm qəliz, bir o qədər də axıcı və sadə bir hekayə...
Kitab Kafkanın atası ilə olan münasibətini bizə açır. Kafka bu əsəri məktub kimi atasına yazıb. Atasının onun evliliyinə qarşı çıxması nəticəsində 36 yaşına qədər atasına hiss etdikləri,içində ona qarşı bəslədiyi duyğuları bu məktubda yazır. Kitabın məzmunu atasının Kafkaya etdiyi hərəkətlər,bəslədiyi duyğulardır. Bir valideynin uşağın həyatında nə qədər böyük rol oynadığının sübutu olan bir kitabdır. Valideynin sadəcə övladına nəsihətlər verərək ona həyat dərsi öyrədərək bir şey əldə etməyəcəyini,əksinə örnək bir həyat sürərək uşağına bütün dərslərdən,nəsihətlərdən daha yaxşı dərs olacağını bizə öyrədir bu kitab.
Uşağa yaxşı insan olmağı öyrətmək yox,özümüz yaxşı insan olmaq,uşağa kitab oxu demək yox onun yanında özümüz kitab oxumaq,uşağa mərhəmətli olmağı öyrətmək yox,özümüz mərhəmətli olmaq uşaqlar üçün ən yaxşı dərsdir. Uşaqlar qulağı ilə yox,gözləri ilə öyrənirlər...
Mükkkəmməl bir əsər idi "mənim üçün". Xüsusilə valideyn travması olanlara oxumağı ,hiss edərək oxumağı tövsiyə edirəm.
Xoş mütaliələr... 
Babaya Mektup 
Franz Kafka
Tolstoyun ən gözəl əsərlərindən biridir məncə bu əsər.İnsana həyatı sorğuladan,ölümü sorğuladan,yaşadığı həyatın mənasını anlamağa kömək edən(əgər mənası varsa...)bir kitabdır.Müəyyən yaş dövrlərində təkrar oxunacaq kitablar siyahısına əlavə olundu deyə bilərəm. Hər yaşda bu kitabdan başqa bir məna çıxarmaq olar.
Əsərdə baş qəhrəman adından da göründüyü kimi İvan İliçdir.İvan İliç ölür :)Spoiler vermiş kimi olmayım . Kitabın adı spoilerdir onsuzda:) Biz kitabda İvan İliçin həyat yoluna nəzər salırıq. Onun yaşadığı sevincli,üzüntülü həyat səhifələrini ötəri şəkildə vərəqləyirik.
Əsərdə İvanın xəstəlik yolu,ölüm yolunu yazar bizə çox dərin cümlələrlə ifadə edir.İvan İliçin günü-gündən xəstəliyinin dərinləşməsi və ölümə bir az da yaxınlaşması onun keçirdiyi həyat yolunu sorğulamasına gətirir. Axı nə üçün yaşamışdı ? Nə üçün bada vermişdi bu həyatı ? Xoşbəxt ola bilmişdi mi?
İvan İlyiçin xəstəliyi dövründə ailə üzvlərinin ona biganə yanaşması ona hədsiz pis təsir edir. Xüsusilə həyat yoldaşının və qızının onun bu pis günlərində gəzintilərə,dəvətlərə getməsi,onun xəstəliyini veclərinə almamaları İvana ağır gəlir. Bu müddət ərzində İvanın tək güvəndiyi insan onun baxıcısı olur. İvanın halına yalnız o acıyır.İvan da bu günlərdə yalnız onu görmək istəyir. İstəklərini o yerinə yetirir,kaprizlərini o çəkir.
Bir neçə vaxt sonra da İvan gözlərini həyata yumur. Ölüm anında biri ona yaxınlaşır və "bitti"deyir. Və bir neçə saniyə sonra İvan ölür.
İvan İlyiç'in Ölümü 
Lev Tolstoy
