Sənin kimi tüfeyliləri, avaraları çox görmüşəm mən! İçiniz boş olur sizin! Tülkü kimi qorxaq olursunuz siz! Küçədə yolunuzu dar eliyən birini bıçaqlaya bilirsiniz, amma ermənilər o qədər torpağımızı alıb, yerimizi dar eləyiblər, onların qabağına çıxmağa cəsarətiniz yoxdur! Əsir düşmüş analarımızın, bacılarımızın namusuna toxunurlar, gözlərini ovub çıxardırlar, vecinizə gəlmir, amma bir söyüşün intiqamını almaq istəyirsiniz. Bir - birinizin ətini yeməyə, badalaq vurub yıxmağa, ilişdirib çığırda - çığırda dərisini soymağa hazırsınız! Kişi hesab edirsiniz özünüzü!