İlk düşmənin kim olduğunu hər kəs bilir. İkinci düşmən qocalıb, əldən düşsə də ölməyə niyyəti olmayan,özünü hər kəsə cavan kimi göstərib, öldüyü təqdirdə hər şeyin daha da pis olacağı ilə manqurtlaşmağa meylli kəsləri aldadan ,Mentalitet adında biridir. Küçənin ortasında birini döysən sakitcə yanından keçən bu qoca əbləh, həmin döydüyün adamı öpsən, küçədə qanunlarına ziddir deyə səni daş-qalaq edəcəy. O qədər arsızdır ki, nəinki küçədə, ictimai yerlərdə, hətta az qala evinin içində də sənə yaşamağa izin verməməyə çalışır. Üzərində gücü olan kəsləri elə bir hala salıb ki, bu kəslər həyatlarının sömürüldüyünü bildikləri halda , sanki ən sevdiyi birinə qan verirmişcəsinə həvəslərinin damarını sakitcə uzadıblar bu qocanın stolunun üstünə... Arsız arsız yarışa belə giriblər biri-biri ilə ki "kim daha çox, qocanın qanunlarına uyğun qan verdi".