Yasemen Dadashova
@Itz_jasmyn1
11 okur puanı
Aralık 2019 tarihinde katıldı
6 nömrəli Palata – Anton Çexov
Kitabı seçərkən artıq adından hiss edirdim ki, dərin və mənalı bir əsərlə qarşılaşacağam. Maraqlıdır ki, adətən oxuduğum qısa hekayələr barədə qalın kitablardan daha çox düşünürəm. .
Əsərin mərkəzində xəstəxananın baş həkimi Andrey Yefimiç dayanır. Onun həyatı monoton və ruhsuzdur: hər gün xəstəxanaya gedib-gəlir, zamanla gördüyü işlərə qarşı laqeydliyə qapılır. Bunun əsas səbəbi isə ətrafında onu anlayan, onunla dərin və mənalı söhbətlər apara bilən birinin olmamasıdır.
Hər şey Andrey Yefimiçin xəstəxananın 6 nömrəli palatasında saxlanılan İvan Dmitriçlə söhbətlərindən sonra dəyişir. Bu dialoqlar həyat, ölüm, ədalətsizlik və insanın taleyi kimi mövzular ətrafında qurulur. Həkim xəstəyə təsəlli verməyə çalışsa da, İvan Dmitriç savadlı, düşünən və güclü arqumentlər irəli sürən bir obrazdır.
Zaman keçdikcə həkimin onunla tez-tez söhbət etməsi ətrafdakılar tərəfindən birmənalı qarşılanmır və bir gün Andrey Yefimiçin özü də 6 nömrəli palataya salınır.
Artıq hərşeyi anlayırdı amma qərar verə bilmirdi bütün bu ədalətsizliyə göz yummaqmı dəlilik idi, yoxsa həqiqətləri dərk edib onları açıq - aydın dilə gətirməkmi?
Reklam
Aqata insanı yanıltmağı bacarır. Axırıncı dəfə məktəb illərində onun yaradıcılığına müraciət etmişdim. Belə kitablar adətən özünü oxutdurmağı bacarır ona görə də çərəzlik, film dadında bir kitab axtarırsınızsa Aqata Kristinin əsərlərini məsləhət görürəm. Nildə ölüm isə onun ən məşhur əsərlərindən biridir. Əsər həm detektiv, həm də sevgi hekayəsidir və bizə göstərir ki, bəzən çox sevmək yaxşı nəticə vermir.
9/10
2026 - nın ilk kitabı
Yeonnam-dongun Neşeli Çamaşırhanesi" 9/10
Kitab doğrudan da türklərin dediyi kimi, mənə çox “sıcak” hiss etdirdi. Elə bil həyatın özünü oxuyurdum.
Hər şeydən öncə kitabın üz qabığı o qədər huzurlu hiss etdirir ki, o çamaşırxanada olub o gündəliyi yazmağı çox istədim. Hətta o çamaşırxananın qoxusunu belə təxminən hiss etdim.
Kitabda gündəlik həyatın yorğunluğu içində öz şəxsi həyatını unudan analar var, iyirmili yaşlarında olub nəsə əldə etməyə çalışan gənclər var. Ümidlər var, ümidsizliklər var. Hər zaman rast gəldiyimiz pis insanlar da, ata–oğul münasibətlərində illərlə dilə gətirilməyən sözlər, soyuq məsafələr də…
Əsas fikir isə çox sadə, amma çox dərin idi: həyat bir-birimizə kömək etməkdən ibarətdir.
İnsan hər zaman birinə, ya da birilərinə ehtiyac duyur. Bu həyatdır — problemlər olur, qərəzlər olur, peşmanlıqlar olur. Amma ən önəmlisi odur ki, belə günlərdə yanında doğrudan güvəndiyin, səni yaxşı hiss etdirən insanlar olsun.
Ən gözəl halda bu insanlar ailə olur. Amma ailə olmasa belə, sənə ailə kimi hiss etdirən insanlar mütləq qarşına çıxır. Əsas məsələ onları itirməmək, bir-birimizə hayan, dayaq ola bilməkdir. Çünki ancaq o zaman həyat yaşamaqdan zövq aldığımız bir yerə çevrilir.
Məncə kitabxananızda olması gərəkən kitablardan biridir 
Yeonnam-dong'un Neşeli Çamaşırhanesi
Yeonnam-dong'un Neşeli Çamaşırhanesi