Vüsal Hüseynov
@Jackfrost1
Contraria contrariis curantur
Engineer
ASOA,Power Engineering
Baku
Baku
46 reader point
Joined on August 2019
Vahid Əziz - Sən hardasan?
Əllərimdə saçlarının qoxusuyla,
Ürəyimdə gileyinin qorxusuyla,
Gözlərimin ayrılıqlı yuxusuyla
Şübhələrdə dolaşıram, sən hardasan?
Nə bəzənim, kimə görə nə yaraşıq?
İçimdəki son baharım dərdli aşıq,
Saçlarıma əl gəzdirir qara işıq,
Bəyaz-bəyaz alışıram, sən hardasan?
Yalvararaq, sənə “Qayıt” deyən mənəm,
Ürəyini şübhələrlə yeyən mənəm,
Günahsızım, gəl, xətrinə dəyən mənəm,
Dərk eləyib barışıram, sən hardasan?
Xəbərin var, güllər çöldə ətirlənib,
Ay nə geyib sakit göl də bədirlənib,
Zaman keçir, boğazıma can dirənib –
Kimi görsəm soruşuram. sən hardasan?
Bənövşə bəndə düşdü
Evcik-evcik oynadıq,
Evciyimiz ev oldu.
Sonra evlərdən xəlvət
Sevgimiz də doğuldu.
Ömürdən keçib getdi
O illərin axarı.
Mən qaldım ilk baharda,
Neyləyim tez yetişir
Osman Sarıvəlli
Mən kənddə doğuldum, sən də şəhərdə,
Sən beşikdə yatdın, mənsə yəhərdə.
Yatdım boz otlaqda boz dovşan kimi...
Gözümüz dünyaya açılan kimi
Mən çomaq götürdüm, sən kağız, qələm,
Çomaq bir aləmdir, qələm bir aləm