Kitaba tövsiyə ilə başladım. Hətta yazarla ilk tanışlığım idi. Olduqca yüksək beklentilerim olmasına rəğmən 413 səhifəlik kitab böyük bir xəyal qırıqlığı oldu mənim üçün.
Əslində Azurla olan dərs hissələri, seküler və muhafazakar tərəflərin fikir ayrılıqları olduqca cəlbedici və düşündürücü tərzdə yazılmasına rəğmən ucu heç bir nöqtəyə bağlanmaması həm obrazlara, həm də oxuyucuya böyük hörmətsizlikmiş kimi gəldi.
Romandakı yarımçıq qalmış həyatlar, izahsız hadisələr, səbəbsiz və nəticəsiz hərəkətlər kitabın verdiyi bütün hissiyatı özü ilə ucsuz bir boşluğa aparır.
Romanın adındakı "3 kız" əslində heç yoxmuş kimi bitirildi. Oysa hər biri barədə ayrıca kitab yazacaq qədər fərqli obrazlar işlənmiş amma heç birinə yetəri qədər dəyər verilməmişdi. Romanın əvvəlindən sonuna qədər məchul və sanki ortaya çıxsa dünyanın səmti dəyişəcəkmiş kimi böyüdülən hadisə bir neçə cümlə ilə izah belə olunmadan səbəbsizcə bitirildi.
Professor Azurla olan söhbətlər və dərs hissələri, müxtəlif din və düşüncələrə sahib insanların zidd fikirlərindəki haqqlı və haqqsız cəhətlər, "Tanrı" və "Tanrı arayışı" ilə bağlı qarşılıqlı dialoqlar və sitatlar kitabı daha oxunabilir hala gətirdi.Kitabın uzunluğuna rəğmən boşluqda qalan neçə-neçə yarımçıq hadisələr və ən çox da kitab və obrazlarla əsla əlaqəsi olmayan bir son heç gözləmədiyim cəhəti idi bu romanın.