Kitabın haqqında eşdiəndə, adını görəndə düşünmüşdüm ki, Miss Brodi ideal müəllim obrazdır,yəqin ki. Dead Poets Society John Keating kimi müəllim deyə düşünmüşdüm.Kitabın ilk səhifələrində hələ də o fikirdə idim, lakin sonra Miss Brodinin xarakteri açılır.Mənə görə Brodi elə əvvəldən belə idi, qızların yaşı artdıqca onlar dərk etdilər.Qaymağın qaymağı kimi xitab şəkli xoşuma gəlmişdi, amma kimə görə qaymaq?
Həmişə mənə elə gəlir ki, bir obrazın evi, otağı bizə çox şey deyə bilər. Əsərdə verilən hissə “rəflərin içi o qədər qaranlıq idi ki, gözünü qıymadan kitabın başlıqlarını oxumaq olmurdu”necə ki, qızlar gözünü qıymadan rəfindəki kitabların başlıqlarını oxuya bilmirdi, eyni ilə qızlar böyümədən Brodini oxuya bilmədilər.
Sədaqət olan yerdə xəyanət qaçılmazdır.Bəs ,görəsən, bu "xəyanət" onların xeyrinə idisə necə?
Miss Brodi, həqiqətən mi, ömrünün baharını yaşamışdı?Yoxsa sadəcə təsəllidən ibarət idi?
