Daha neçə qadın unutdurar mənə
Sənli gecələrimi xatırladan zülmət qarası saçlarını?
Hansı qadın unutdurar mənə
Ən dərin okeanlardan dərin qəhvəyi gözlərini?
Neçə qadının ah-naləsi unutdurar
Ruhumu titrədən o səsini?
İnanma, sevgili.
Nə unutmağı, yalandı hamısı.
Yoxluğundaykən,
Yoxkən mən də
Hiss edirəm əllərini sol yanımda.
Küləklər də sərt əsir
Görəsən, Bakı da sənsizliyi hiss edir?
Saçlarımı dağıdır əvəzinə,
Əllərini hiss etdirir.