Fidan
@_FidAnn_
Əgər gözəl olanı görə bilirsənsə, bunun səbəbi sadəcə gözəl olanı içində daşımağındır.
Çünki dünya hər kəsin öz əksini gördüyü bir güzgü kimidir.
Uzaqda bir ev vardı... pəncərəsindən bayıra rəqs edərək işıq süzülən bir az ürkək, sərgərdan, bir az da kövrək insanın evi....
Sanki gecəni içində gizlətmiş, soyuq cismini gündüzə pənah aparıb, bükülmüş ovucundan ümidləri süzülərək hətta torpaq qoxusunun günəşin şanına havaya qarışıb yox olduğunu kirpiklərindən yerə düşən damlalarda hiss edirdi.
Nəfəsinin közərmiş qığılcımından yenə bir həyatın son gedişini bir də parlaq ulduzların parıltısına toxunaraq bu gedişin bir dönüşü olmadığının fərqinə vararaq donuq bir üzlə asılı qalırdı asimanın toza bürünmüş ənginləklərində
Uzaqda bir ev vardı... Mavi qübbəsini boz rəngin savaşında itirən, cəsur, öz özünü bitirən insanın evi...
Tapdalanmış xəyalları, kabusa dönüb kölgə tək süzülürdü qanına, yaxasından tutaraq çevirirdi dumanlı dərinliklərin sonuna.Dik duruşunu pozmadan öz evi kimi uzaqda olan digər uzaq bir evin var oluşunu sezgilərinin zəif pıçıltısında duyurdu.
Bilirdi yollar var, yol ayrıcıları dolaşıq, küləklərin ərköyün davranaraq sovurub, sürüklədiyi qarmaqarışıq yollar.. diz üstə çökdüyu yerdən bütün uçuq, dağılmış parçalarını yığaraq, üsyan tacını geyindi... səssizliyinin damarını kəsərək qarət etdi, dəfələrlə içində öldürdüyü ruhunun sağ qalmış yarımçıqlığını və bir səhnənin pərdəsi endi...
Uzaqda bir ev var... ümidlərini gözlərində boğaraq yerə dikilmiş baxışında duyan, sevincinin tiyəsini köksünə kəskin sancan , nəfsi cilalanmış paklıq içində .Qələbəsi labüd olan insanın evi!
©öz
Məndən soruşma kiməm!
Nəyəm, Nəçiyəm!
Dəniz tək burulğan dalğalarımı,
Qayalara çırpmağa gəlmişəm.
Bir az Çılğın ..
Bir az da səssiz ..
Sahilində ümid sorağına gəlmişəm.
Yaşadığım boz şəhərin,
Tozlu küçələrindən
Və Sükut gecələrindən
Birdəki..
Birdəki ölmüş ruhların ölkəsindən
Qollarıma alaraq ruhumu
Yol çantası tək götürüb gəlmişəm.
Hardan ki gəlmişəm orda insanlar
Küləyə bənzər bir əhvalla
Yaşayırlar
Bəlkə də yox...aldanırlar,
Ömrünü dayanacaqda itirənin
Lal olmuş nidası tək
Bir az da ürkək
Mənasını bilmədiyim günlərin
Mənasızlığını çözməyə gəlmişəm
©Öz