mən "tez unudulan insanlar" siyahısındanam
intihar məktubu oxunmadan cırılan
qarğışları sırğa edib qulağıma taxmışam
amma mən sənin üçün bu şəhərdə ən çox darıxan adamam
ölüb getməyim elə də narahat eləmir məni sevgili
onsuzda mən, tez unudulanlardanam
yaşasaydım əslində, bir-iki artıq nəfəsin ziyanı olmazdı
sadəcə,
elə gözəl ağlayırsan ki,
lap elə ölməyim gəlir.
Ali Khayyam💎
Nağıllarım biri yox idi, biri yox idi
Gecələrim buludlu, bir bəxt ulduzum da yox idi
Şeirsiz gecələrdə çəkdiyim hər nəfəs, Tanrıma xərac idi
Qibləyə səcdələr, Tanrıyla söhbətlər, irinli yaralarıma tək əlac idi...
Ali Khayyam❤
Mən torpağını hələ də niyə itirdiyini bilməyənlərdənəm
Ərəb dilində bir söz qanmadan, Quran oxuyanlardan
Zərdüştün adını bilmədən, oddan tullananlardan
Qızın atasından qızın öz hərisini alanlardan...
Biz doğmalardan uzaqda,
Saçlarını zamanın tumarladıqları
Biz,ürəyi parça-parça ayaqüstə
Hər içkidə səbəbsiz darıxan
Boşluqla baxışan və
“Bir gün”lərə uşaq kimi inanan
“Hər kəs”li şəhərin
Tənha “heç kəs”ləri...