Balaca şahzadə...
Bu kitabı bəlkə də ən azı 5 dəfə oxuyub yarımçıq saxlamışdım. Nəhayət bu dəfə bitirə bildim. Nədənsə mənə hər zaman sıxıcı gəlib bu kitab. Və həmişə də düşünmüşəm ki,bu kitabı oxumağımın bir zamanı var və o zaman indi deyil. İnsana çox təsir edən bir kitabdır. Yaxşı ki,də oxuyub bitirə bildim. Düşüncələrimdə, davranışlarımda çox şey dəyişdi "Balaca şahzadə". Heç də düşündüyüm kimi sıxıcı deyilmiş,manasız deyilmiş. Bu kitabın çox boş yerə böyüdüldüyünü fikirləşirdim. Amma kitabı oxuyandan sonra bütün ön yargılarım dağıldı. Nadir hallarda bir kitabı bu qədər bəyənirəm. Və o nadir hallardan,nadir kitablardan biri də "Balaca şahzadə"oldu.
Kitabı oxuyub qurtarandan sonra məndə qəribə bir hiss buraxdı.Kitab səhvlərimi oturub fikirləşməyimə və onları düzəltmək üçün çabalamağıma çox yardımçı oldu. Bir kitabı ikinci dəfə oxumağı sevmirəm. Amma düşünürəm ki,bu kitabı hələ daha çox təkrar təkrar oxuyacam.