Aşk u meşk olmaz nihân anı bilir halk-ı cihân
Âşık-ı bî-çâreye mümkin midür ihfâ-yı aşk
Mâsivâya bakma âşık ârif ol
Yâri istersen sakın ağyârdan
........ ANCAK
1 Miftâh-ı bâb-ı Hazret insân-ı kâmil ancak
Varlık anın hakîkat gayrısı zâ'il ancak
2 Mevcûd O'dur vucûdu ola anın hakîkî
Yohsa vücûd-ı zâ'il bir vehm-i bâtıl ancak
3 Biri iki sananlar ahveldir vü hem a'mâ
Tevhîdi bilmeyenler gâyet de câhil ancak
4 Zenb-i vücûdu mahv et eriş sarây-ı kurba
Cân ü tenin arada cânâna hâ'il ancak
5 İki cihânı âşık verir Hüdâyî yâre
Ol zevke ermeyenler cennâta kâ'il ancak
İki cihânı âşık verir Hüdâyî yâre
Ol zevke ermeyenler cennâta kâ'il ancak
Şol ki Hakk'a kuldur gayra kul olmaz
Âşık ma'şûkdan gayra tapu kılmaz
Bâb-ı Hak'dan özge bir kapı bilmez
Hakk'ın Dîvânına durup gelenler
Sular olmuş gibi dîdâra âşık
Dün gün akar çağlar çendân eğlenmez
Mahabbet bahrından bir (katre) tatmış
Mevc urur çalkanur ummân eğlenmez