Müəllifi Halil Cibran olan Ermiş kitabında bir bilgənin 26 anlayış üzrə nəsihətləri yer alır. Bu bilgə 12 ildir öz dünyaya gəldiyi yurdundan ayrı düşərək başqa bir adada yaşayır. Elə bir gün gəlib çatır ki, artıq onu öz yurduna aparacaq gəmi bu adaya gəlir və bilgə bu illər ərzində doğmalaşdığı bu adanın insanlarına istəkləri üzərinə dəyərli fikirlərini bölüşür. Kitabı oxuyarkən bir çox sualınıza cavab tapa, bildiklərinizi sorğulaya, ən əsası real həyatda hələ yaşamadığınız təcrübələri mənəvi olaraq bir nəbzə yaşaya bilərsiniz. Qısa bir kitab olsa da, məzmunu çox dərin və dəfələrlə oxunmağa dəyərdir deyə düşünürəm.