– Sizin fikrinizcə il başının heç bir xüsusiyyəti yoxdur? – deyə soruşdum.
– Yoxdur, – dedi. – Onun ilin başqa günlərindən nə fərqi var? Təbiət onu başqa
günlərdən nə cür fərqləndirmişdir? Ömrümüzdən daha bir ilin keçdiyini göstərsə də
bunun o qədər əhəmiyyəti yoxdur. Çünki ömrümüzü illərə bölməyin özü də insanların
uydurmasından başqa bir şey deyil... İnsanın ömrü, doğulduğu gündən öldüyü ana
qədər, uzun bir ildən ibarətdir. Bunun üzərində aparılan hər cür bölgü sünidir...