İnsan yeganə məxluqdur ki, heç nə istehsal etmədən hər şeyə sahib çıxırlar. O, süd vermir, yumurtalamır, kotana qoşulmaq üçün çox zəif, dovşanı qovun tutmaq üçün çox astagəldir. Amma bununla belə bütün heyvanlar üzərində hökmrandır. O zavallı heyvanları qabağında qul kimi işlədir, onlara yalnız acından ölməmələri üçün yem verilir. Qalan nə varsa hamısına özü yiyələnir. Torpaq bizim zəhmətimizlə becərilir, peynimizdən gübrə kimi istifadə olunur. Ancaq heç birimizin dərimizdən savayı özgə sərvətimiz yoxdur...
