Bu, kamil bir müəllimdən dərs almaq niyyətilə uzaqlara səfər edən gənc oğlandan bəhs edən klassik hekayəyə bənzəyir. Belə ki, gənc oğlan müdrik müəllimiylə görüşür, müəlliminə ilk sualı belə olur: "Sizin kimi müdrik olmaq üçün mənə nə qədər vaxt lazımdır?"
Müdrik müəllimin cavabı ləngimir:
-Beş il.
-Bu çox uzun bir vaxtdır. Əgər mən ikiqat çalışsam onda necə, neçə il çəkər? -oğlan soruşur.
-Elə isə bu on il çəkər, - müəllim deyir.
-On il? Bu çox uzun vaxtdır. Bəs əgər gecə-gündüz çalışsam, onda necə?
-On beş il, - müdrik cavab verir.
-Sizi başa düşə bilmirəm. Hər dəfə mən bütün enerjimi məqsədimə sərf etməyə söz verəndə, mənə deyirsiniz bu daha çox vaxt aparacaq. Nə üçün?
-Cavab çox sadədir. Sən Sən bir gözünü nəticəyə cəmləşdirdiyin halda, o biri gözün gedəcəyin yolda sənə bələdçilik etməkdə çətinlik çəkəcək.