Araşdırma kitablarının gözəl tərəfi hansısa mövzunu araşdırmasından daha çox, həmin mövzunu araşdırmaq istəyən insanlara ədəbiyyat siyahısı verməsidir. Bu kitabın təqdirəlayiq bir cəhəti isə müasir dövrdən bəhs etməsidir. Toxunduğu cəmiyyət problemləri də, istinad etdiyi mənbələr də həm müasir, həm də 21ci əsr insanının sadə reallıqlarıdır. Bu kitabı qadınlara aid, yaxud feminist deyə səciyyələndirməyəcəyəm, çünki bunu etmək belə fikrimcə ayrı-seçkilik olar. Bu kitab azlıqlar haqqındadır. Gizlənməyə, həzm etməyə, altruislik etməyə, görünməzdən gəlməyə məcbue edilmiş insanların haqqındadır.