Lion Feuchtwanger - bu yazıçını tanımağıma və oxumağıma səbəb Jan-Jak Russo oldu. Adını ilk eşitdiyim andan bəri – təxminən 3-4 ildir ki, mənə maraqlı gələn şəxslərdən biridir. Təxminən elə 2 il öncə bu kitabı pdf olaraq yükləmişdim. Kitaba göz gəzdirdikdə Jan-Jak Russo ilə bağlı bir roman olduğunu görmüşdüm və bu ona olan marağımı daha da artırmışdı. Amma təəssüf ki, bu ana kimi oxumamışdım.
Yazıçı (1884-1958) Münhendə milliyətcə yəhudi olan bir ailədə dünyaya gəlmişdir. O, faşizm əleyhinə çıxış etmişdir. Ancaq 30-cu illərdə faşistlərin Almaniyada hakimiyyətə gəlməsindən sonra digər bir sıra yazıçılar kimi ölkəni tərk edərək Fransada yaşamağa başlamışdır.
Kitab “Seçilmiş Əsərləri” başlığı ilə “Şərq-Qərb” nəşriyyatı tərəfindən nəşr olunub və buraya - “Qəribə adamın müdrikliyi, yaxud Jan-Jak Russonun ölümü və ölməzliyi”, “Lautenzak Qardaşları” və 6 ədəd qısa hekayəsi daxildir.
Kitabdakı ilk romanı - “Qəribə adamın müdrikliyi, yaxud Jan-Jak Russonun ölümü və ölməzliyi” romanını oxuyub bitirdim. Romanda Russonun yazdığı əsərlər səbəbilə insanların təbiqinə məruz qalması (bunun əsas səbəbi o idi ki, insanlar gizlicə onun əsərlərini müxtəlif dəyişikliklər edərək nəşr etdirirdi, bu da Jan-Jak təliminin səhv başa düşülməsinə gətirib çıxarırdı), lağa qoyması səbəbilə Ermenonvil adlı bir yerdə, bu ərazinin senyorunun xahişi ilə onun yanında yaşamağa başlamasından sonra baş verən hadisələr cərəyan edir. Əsərin ikinci hissəsində artıq Jan-Jak ölür və bundan sonrakı hadisələrdən bəhs edilir. İnsanların onu təbiq edib, lağa qoyması onun ölümündən sonra aradan qalxır. Həm ölümü, həm də öncədən yazmış olduğu, lakin ölümündən sonra nəşr etdirmələrini istədiyi əsərlərinin nəşr olunması insanlarda Russoya qarşı sevgi, hörmət yaradır. Hətta bu o dərəcəyə çatır ki, yakobinçilər və xalq tərəfindən kral hakimiyyəti devrilərək Maksimilian Robespyer tərəfindən respublika elan edilir. Daha sonra isə, Russonun qəbri həmin yaşadığı Ermenonvil ərazisindən çıxarılaraq, Panteonda, Volterin qəbrinin yanında basdırıldı.
Əsər bir roman olsa da, tarixi faktlar əsasında yazılmışdır. Bu romanı, həqiqətən, çox sevdim.
Kitabı oxumağı burada dayandırmağı qərara aldım. Əslində, “Lautenzak Qardaşları”nı oxumaq istərdim, amma bəlkə sonralar oxuyaram.
·
249 Gösterim
Yorumlar
Lütfen giriş yapınız.