II
Bu kitabı ilk dəfə təqribən bir il öncə oxumuşdum. Şəxsi inkişaf kitabları maraqlı gəlməsə də, 2-3 ədəd kitab (
Bilinçaltının Gücü vs.) var ki, onları oxumağı düşünürdüm. Əslində, 
The Secret - Sır kitabını oxumağa başlayıb, heç sevməyib yarıda saxladıqdan sonra bu kitabı almaqdan qorxurdum. Amma satıcı tövsiyəsi ilə almağa qərar verdim.
Öncəliklə, onu deyim ki, əgər bir kitabı oxuyub, orada yazılanları insan öz üzərində təcrübə edə bilmirsə, bacarmırsa, bu o demək deyil ki, şəxsi inkişaf kitabları “boş”dur. Doğrudur, həqiqətən, “boş” olan kitablar var. Bir də üst-üstə çoxlu belə kitab oxuduqda, sözsüz ki, bezdirici gələ bilər və mənasız.
Kitabın mövzusu, adından da göründüyü kimi, “indi”nin üzərində qurulub. İlk oxuduqda kitabı anlasam da, bu dəfə daha yaxşı anladım.
Kitab 10 fəsildən ibarətdir, ilk fəsillər çox axıcı idi, amma normal olaraq sona yaxınlaşdıqca bir az sıxıla bilirik. Ən sevdiyim fəsil 7-ci fəsil ( məkan və zamanla bağlı) idi. Sevmədiyim fəsil isə 8-ci idi. Burada da münasibətlər barədə danışılırdı. Daha ətraflı yazmayacağam.
Bir müddət sonra yenidən oxumağı düşünürəm, amma bu dəfə kitabı sondan əvvələ doğru oxuyacağam. :)
Tövsiyəm isə, tələsmədən oxuyun. Mən bəzən bir günə iki fəsil oxuyurdum, amma siz belə etməyin. :d
·
1,574 views
Yazıçının alman olduğunu yeni öyrəndim. Deməli, buna görə, bu yazıçını və kitabını çox sevirmişəm. :d
Yorum yapabilmeniz için giriş yapmanız gerekmektedir.