Gəl şəklini söznən çəkim,
Gör sənə necə bənzəyir
Oxuyub caşıb qalasan
Bu güzgüdü,yoxsa şeir?
Deyəsən ki şeirdisə
Bu nə aydın cizgilərdi?!
Elə bil ki, bütün sözlər
Kiçik kiçik güzgülərdi.
Zərrələri birləşdirib
Kiçik bir sən yaratmışam.
Tanrı torpaqdan yaradır,
Mən şeirdən yaratmışam.
Mən onsuz da sən gedənnən
Şeirlərə sən demişəm,
Qara-qara hərfləri
Yığıb adam eləmişəm.
Sətir altda gizlətdiyim
Hədiyyəni götürərsən
Bəyənməsən saxlayarsan
Ad günümdə gətirərsən.
Bu gecə bir şeir yazıb
Onu sənə bənzətmişəm
Səni vərəqə köçürdüb,
Ürəyimi boşaltmışam.