Salam hər kəsə, uzun zamandır oxumaq istədiyim kitabı nəhayət ki, oxuya bildim. Ancaq təəsüflə qeyd etməliyəm ki, mövzusu hər nə qədər qeyri-adi olsa da, gözləntimin çox çox altında qalan bir kitab oldu..
____
Başlıqdan da məlum olduğu kimi əsərdə 1 cinayət hadisəsindən bəhs olunur. Santiago Nasar adlı bu bədbəxt adam bazar ertəsi günü ekiz qardaşlar Pablo və Pedro Vicario tərəfindən amansız qətlə yetirilir. Cinayətin səbəbləri, baş vermə prosesi, nəticələri və cinayətdən sonrakı hadisələr əsərdə ətraflı qeyd olunsa da, hələ də şübhəli qaldığım bəzi məqamlar oldu.
____
Əslində bu cinayət kənardan "namus cinayəti" kimi görünsə də, bunun nə dərəcədə doğru olduğunu əsərin gedişatı boyu biz də obrazlar kimi aydınlaşdırmağa çalışırıq..
____
Pablo Vicario'nın nişanlısı Prudencia Cotes də onların işlədiyi "namus cinayətini" normal qəbul edir, hətta, öldürməsə əsla onunla evlənməyəcəm deyir, bu namus məsələsini "kişilik vəzifəsi" sayır..
Santiago Nasarın nişanlısı Flora Miguel də digərləri kimi bu söyləntiyə inanmışdı. Onu öldürmələrini də ürəkdən istəyirdi..
____
Bir söz var.. "İnsanın əcəli çatanda nə edirsə etsin yenə də ölür", həqiqətən də belədir. Bütün hər kəs onun öldürüləcəyini bildiyi halda heç nə edə bilmədi, hətta ən yaxın dostu Cristo Bedoya da ona xəbər edə bilmək üçün nə qədər cəhd etsə də, həm qarşısına min cür maneə çıxmışdı, həm də çox gec qalmışdı..
____
Onu da qeyd edim ki, əsərin dili olduqca ağır idi və oxuyarkən yorulduğumu hiss edirdim