“Ya Rəbbim, ən pak insanları öləndən sonra göndərdiyin bir yer varsa, Burjanı xatırla; əgər hansısa əməlinə görə onu əzab gözləyirsə, o əzabı mənə göndər ki, Behişt deyilən yerə tez qovuşa bilsin”. Bax belə, əziz dost, bu əqidəmlə əlimdən ancaq bu qədəri gəlir, Allah, yəqin, ürəyiyumşaqdır, mənə acığı tutmaz. And olsun ki, Burjanın imanının mənim beynimə köçməsi üçün bütün sərvətimi verərdim.
