CHE'nin Qızına Məktubu..
1966-cı ilin 15 fevralında özünün on yaşı bitən gün İldita ilğıma çevrilən atasından məktub alır. Məktub Brazzavildən yola salınıb:
"Mən sənə bu gün yazıram, ancaq bu sözlər sənə bir xeyli gec yetişəcək. İlk növbədə istəyirəm ki, səni qətiyyən unutmadığımı biləsən və doğum gününü yaxşı qarşılamağını arzulayıram. Sən artıq böyük qızsan və balaca qızlara yazılan boş-boş söhbətləri və hər cür yalanı söyləmək olmaz. Bilməlisən ki, mən uzaqlardayam və hələ uzun müddət səndən ayrı qalacağam, bizim düşmənlərimizə qarşı mübarizədə gücüm çatan hər şeyi etməyə çalışacağam. Mənim buradakı rolum çox vacib olmaya bilər, ancaq lazımlıdır və inanıram ki, səninlə fəxr etdiyim kimi, sən də atanla fəxr etməyi bacaracaqsan.
Unutma ki, bizim qarşımızda çoxlu mübarizə illəri var. Böyüyəndən sonra sən də bu mübarizədə iştirak etməli olacaqsan. Hələlik isə özünü inqilabçı olmağa hazırla. Sənin yaşında bu o deməkdir ki, çoxlu oxumaq lazımdır. Ədalətli işi müdafiə etməyə bacardıqca hazır olmalısan. Sənin yaşında man başqa cür idim - o, cəmiyyətin başqa, insanın insana düşmən olduğu bir dövr idi. Sənə fərqli zamanda yaşamaq xoşbəxtliyi qismət olub va sən bu xoşbəxtliyə layiq olmalısan.
Evə gedib başqa uşaqların da özlərini yaxşı apardıqlarını yoxlamağı unutma, onlara yaxşı oxumaqda yardımçı ol. Ananı qucaqla va bir daha görüşəcəyimiz vaxta qədər bəs edəcək böyük öpüşümü qəbul et. Sənin atan."
Qanun Nəşriyyatı
·
168 views
Yorum yapabilmeniz için giriş yapmanız gerekmektedir.