Ən çox sevdiklərimdən...
Sevgi sevgiylə
Dərd dərdlə unudulur.
Unudulacaq bütün sevdalar,
Unudulacaq bütün nəğmələr,
Unudulacaq unudulmaz hər nə var,
Ancaq təkcə mən səni
yenidən sevməkçün hər bahar
yenidən unudacağam.
Ən gözəl xatirə də
ən acı göz yaşıtək unudulur,
udulur, unudulur,
sevgi sevgiylə, dərd dərdlə,
insan insanla,
İsa Məhəmmədlə unudulur…
Həddən çox şey bilirik bu dünyada.
Boş şeydi!
Unudulacaq hamısı,
hər bahar unutduqlarımız
tikana aşiq,
çiçəyə sarmaşıq şəkildə
çıxacaq zamandan,
ancaq torpaqdan, dağdan, daşdan
çıxırmıştək görünəcək bizə -
Ən solğun çiçəklər
ən işıqlı ulduzları sevəcək yenə də.
Baharı unudulmuş çiçəyim,
hər şey unudulur,
Gəl, bu nəğmə unudulmamış
oynayaq bu nəğmənin havasına.
Sayfa 49 - Vaqif Bayatlı Odər
·
96 görüntüleme
Yorum yapabilmeniz için giriş yapmanız gerekmektedir.