Həyat başımızı müxtəlif məşğuliyyətlərlə çox qatmışdır. Keçici ləzzətlərlə özümüzü elə aldadırıq ki, günün necə keçdiyinə belə diqqət etmirik. Nəticədə də həyat bizə özümüzü unutdurur. Bizi əhatə edən çoxlu maddi amillərə olan bağlılıq və etimad insanın qəlbinin dərinliklərində olan ilahi meyli kütləşdirir. Ətrafımızda olan yüksək səslər fitrətimizdə, onsuz da, zəif olan o səsi daha da eşidilməz edir.