Buludlar yağdırır göz yaşlarımı,
Küləklər dərdimi danışır sənə.
Bağçada gəzərkən tapdalağın
Xəzəllər şe'rimi oxuyur yenə.
Niyə danışmırsan, niyə dinmirsən?
Bəlkə boğazını tutubdur qəhər.
Daha özümüzə yer tapammırıq,
Sənə də, mənə də dardır bu şəhər.
Mənim baxışlarım nisgil doludur,
Sənin gözlərindən tərəddüd yağır.
Ölüb-dirilirəm dərdindən hər gün,
Sənə də bu həsrət gəlmirmi ağır?
Azər Ərzi
·
39 views
Yorum yapabilmeniz için giriş yapmanız gerekmektedir.