Geştalt terapiyada belə bir anlayış var: "yarımçıq qalmış geştalt". İnsan üçün bir məsələ tam həll olunmayıbsa, o, həmişə həmin məsələyə qayıdacaq, həmişə düşüncəsini məşğul edəcəkdir. Bəzən bu yarımçıq qalmış geştalt insanın keçmişində baş vermiş hadisə və ya hissləri ilə əlaqəli olur. Şüuraltında özünə yer edir və insanın həyatına, davranışına, hisslərinə təsir edir. Geştalt nəzəriyyəsi deyir ki, natamam məsələ tamamlanmayana qədər insana rahatlıq yoxdur. Belə yarımçıq geştaltlar hər bir insanın həyatında mövcuddur.