Yer kürəsində qadın adında bir xəstəlik dolaşır,
Milyon illərdi.
Kişilər bilmədən yoluxurlar ona
Və bu xəstəliyin şərti adı “sevgidir”.
Yalan sözdur ki, Tanrı qadını kişinin qabırğasından yaradıb
Qabırğadan yaradılan qadın yer üzündə cəmi bir nəfər olub
O da tamahı ucbatından ərini cənnətdən qovdurub.
Amma mən gör nə işlə məşqulam,
Yağışın üstünə palçıq yaxmışam ki, tez qurusun göy üzü
Ağlamasın buludlar.
Günəşin yaxasından yapışıb buraxmıram ki, batmasın
İldırımı qamçı kimi əlimdə tutub dayanmışam küçənin ortasında