Antîgonî :
Min wextekê çîroka bi keser a keça
biyanî ya Tantalosê bihîstibû
li warê Frîgya serê çiyayê Spîlosê
zinar û kevir mîna lavlavkan
çarmedora wê bi şid dipêçin
û dawiyê bi xwe jî hişk dibe,
dibe kevir bedewa Frîgiyayê.
Barana her dem li çiya dibare
berfa quntaran kêm nabe dihele
li ser çav û dêm û lêvan de diherike
hingê dibêjin Nîovî rondikan dibarine.
Bextê min jî niha mîna bextê wê,
min ber bi dawiya min ve dikşîne.
Sofoklîs
Ev tragedya 2500 sal berê,
li Yewnana Antîk hatiye nivîsandin.
Antigoni
·
354 views
Yorum yapabilmeniz için giriş yapmanız gerekmektedir.