Elxan Elatlı 'nın 13cü kitabını da oxuyub bitirdim. Və hər dəfəsində yazarın ağlına, fikirlərinə, dünya görüşünə, zəngin biliyinə biraz daha heyran qalıram.
Romanda xəyanətlə üzləşmiş insanların acınacaqlı taleyindən bəhs olunur. Xəyanətin də bir cinayət olduğundan bəhs ettiyi hissə həqiqətən çox xoşuma gəldi:
“Bəli, cinayət!.. Birinin qəlbini məqsədli şəkildə ələ almaq onun ruhunu almaq demək idi. Əgər birinin ruhunu alıb öz ruhuna qatmayacaqsansa, onu havaya buraxıb gedəcəksənsə, bu həmin insanı öldürmək anlamına gəlmirdimi? Və dünyanın hər yerində insanı qəsdən öldürmək cinayət hesab edilmirdimi?.. ”
Sonda isə yazar qatilin kim olduğunu oxucunun diqqətinə və təxəyyülünə buraxır. Bu mənim üçün gözlənilməz və mükəmməl bir son oldu. Tək kəlimə ilə möhtəşəm!
