Sonlara doğru spoiler var!Bəzi kitablar olur; oxuyursan, oxuduqca oxumaq istəyirsən, səni yormur, dərin düşünməyini tələb etmirmiş kimi görünür, amma edir. Doğrusu, qapağını örtəndə şok keçirdiyim bir kitab deyildi. Amma bir səyahətə çıxsan alıb əlinə yoldaca bitirərsən.
Aldım əlimə kitabımı, uzaqlaşdım olduğum məkandan, ətrafımdakı insanlardan sanki bir kənardan Skautun danışdığlarını izləyirdim(hadisələr 8 yaşlı Skautun dilindən nəql olunur). Maykomb qraflığında vəkil olan Attikus Finçin Cim adında oğlu və Skaut adında qızı var. Skaut və Cim hər uşaq kimi nadinc, söz eşitməyən, hər evə bir daşan atan, lakin buna baxmayaraq ağıllı və sevimli uşaqlardır. Hər şey dostları Dill ilə birlikdə illərdi evindən çıxmayan, hətta yaşadığı ya öldüyü bilinməyən Bo Radleyi evindən çıxarmaq istəməkləri ilə başlayır. Fəqət onlar bilmirdilər ki, bəzi insanları qaranlıqdan aydınlığa çıxarmaq, balığı sudan quruya atmağa bərabərdir…
Kitabın davamında isə irqi-ayrıseçkilikdən bəhs olunur. Belə ki, Attikus ağ qadını zorlamaqla ittiham olunan zəncinin günahkar olmadığına inanır və onu müdafiə edir. O bəziləri tərəfindən dəstəkləndiyi halda, bir çox insan tərəfindən qınanılır. Tom Robinsonun başına gələnlər ən sevdiyim film olan “The green mile” i xatırlatdı. Filmdə yargıçlar həqiqəti bildiyi halda onu sübut etmək üçün əllərində heçnə yox idi deyə qaradərili birini ağlayaraq edam edirlər. Kitab sayəsində daha betərinə şahid oldum; məhkəmə heyəti hər şeyi bilir, faktlar göz önündədi, lakin onlar bir ağ’a qarşı qara insana haqq qazandıra bilməzlər. Kağız üzərində o günahsız olsa belə… Bu məsələ haqqında çox şey yaza bilərəm, amma düşündüklərimi bu sətirlər artıqlaması ilə ifadə edəcək:
Sevgili Beyaz Adam,
Doğarım, siyahım
Büyürüm, siyahım
Güneşlenirim, siyahım
Üşürüm, siyahım
Korkarım, siyahım
Hastalanırım siyahım
Ve ölürüm, hala siyahım
Ve sen Beyaz Adam
Doğarsın, pembesin
Büyürsün, beyazsın
Güneşlenirsin, kızarırsın
Üşürsün,morarırsın
Korkarsın, sararırsın
Hastalanırsın, yeşilsin
Ve ölürsün, grisin
Ve hala utanmadan bana renkli dersin...
Xoş mütaliələr!