Əgər qarşınıza hansısa məqsəd qoyursunuzsa və həmin istiqamətdə addımlar atırsınızsa, deməli, saat zamanından istifadə edirsiniz, hara getmək istədiyinizin fərqindəsiniz. Ancaq siz bütün diqqətinizi indi atdığınız addıma yönəltməlisiniz. Yox, əgər həddindən artıq hədəfin özünə köklənmisinizsə, deməli, siz indidən uzaqlaşmısınız və saat zamanı sizin üçün psixoloji zamana çevrilib. Sizin həyat yolunuz artıq, sadəcə hədəfə çatmaq, onu əldə etmək arzusuna çevrilir. Siz yolboyu düzülən çiçəkləri nə görə, nə də qoxlaya bilirsiniz. Siz fərqinə varmadan İndi ətrafınızda olan dünyanın gözəlliyindən özünüzü məhrum etmiş olursunuz.