Elxan Elatlıdan oxuduğum ilk kitab deyildi,amma son da olmayacaq.Kitab səfil,heç kəsin,sözün əsl mənasında insan yerinə qoymadığı bir insanın, nazir Rəfizadə tərəfindən yüksək vəzifəyə təyin edilməsi ilə,onun psixologiyasında baş verənləri bizə çatdırır.Həmçinin Rəfizadənin bu eksperimentin qurbanı olmasını..
Kitab oxucunu maraqda buraxır,özünü oxutdurur.Sadəcə son bölümlərdə biraz sıxıcı olmağa başladı.Yenə də,mənə nəsə qatdığını hiss etdiyim kitablardan oldu.Yazıçının oxuduğum digər kitablarının yanında,biraz sönük qalmışdı mənə görə.Çünki hadisələr çox sürətlə baş verirdi.Yenə də,verdiyi mesaj gözəl idi.İnsanın xarici görünüşü nə qədər dəyişilsə də,içi olduğu kimi qalır..
Digər verdiyi mesaj isə,hakimiyyətə nifrət edən bir insanın əlinə hakimiyyəti versək,çox pis nəticələr doğura bilər.Eynilə,bunun sadə bir eksperiment olduğunu düşünən,Rəfizadənin öz ekperimentinin qurbanı olduğu kimi..